Chi la fa... l’aspetti!

Dom, 01/09/2013 - 16:50
Quandu na cipuglia custa i cchiù i nu sordatu borbonicu

Simu ancora ‘nta l’agustu du 1860 (penzati quanti cosi succedìru ‘nta chigli tempi, chi non ‘ndi cunta nugliu!). A Riggiu fu codardu e si vindìu i soi pe’ 15 centesimi a sordatu.  Accussì ‘ndu ricordamu nui (no a storia, chi u voli patriota!) u Generali Briganti… e portava nu nomu accussì bellu… Briganti! Nenti a chi fari chi patrioti nostri, i veri briganti chi combattìanu ‘nte muntagni cuntra nu patruni indesideratu chi non dicìa a verità.
U generali ‘ncuntràu “menza ricchia signor Caribbardu” e si ‘ntascàu i sordi chi u biondu ‘nci passàu, cù consensu i l’inglesi, chi finanziàvanu tutta sta gloriosissima spedizioni.  Si ‘ndavìti dubbi potiti lejìri a littera du sordatu Francesconi ( a trovati facilmenti supa a google), chi era parti i l’esercitu du Gen. borbonicu Bosco e chi poi passàu a Briganti, pecchì Boscu ‘ndeppi u si ritira (motivu chi già scrivìa ‘nta nu numeru precedenti). Francesconi ‘ndi spiega ca i nu jornu a n’attu tutti i sordati borbonici si vittiru sbandati e senza comandanti, e a Scilla si vittiru rrivari a Caribbardu chi ‘nci dicìa ca u forti era ‘nte mani di Sa(b)oia, ca era inutili combattiri pe’ Borbone.
Però potìanu scigghìri si combattìri ‘nta l’esercitu meridionali o no, e tutti i sordati i Scilla scigghiru ca no. S’incamminàvanu delusi verzu i casi loru e rrivaru a Miletu, aùndi ‘ndavìa atti sordati sbandati e parràvanu du tradimentu i Briganti, ca a vittoria i Caribbardu fu accussì facili ca puru nu scemunitu potìa vincìri.  A nu trattu si senti nu rumuri i trottari ‘nte vicinazi, e u destinu vorzi ca era propriu igliu: u tradituri Briganti.
Francesconi ‘ndi cunta ca, senza mancu mu sa parranu, si arzanu sessanta e ‘nci scaricanu ‘ncogliu tutti e 60 i fucili chi ‘ndavìanu, dispiaciutissimi po’ cavagliu chi non avìa i curpi du patruni soi. E degna fini fici u tradituri Briganti, chi si vindìu tutti i sordati soi pe’ 15 centesimi ciascunu. Giustamenti u sordatu si chiedi puru, ‘nta littera, quantu poti custari na cipuglia, pecchì sicuramenti a cipuglia custarrìa cchiu assai. Viditi, cari compatrioti, non si voli assai pemmu si scopruni i cosi, basta nu click. Sulu cu non voli non s’informa, e’ tempi d’oji. Giustu o sbagghiatu chi esti chigliu chi scrivu, tutti ‘ndavarrìamu u jamu u cercamu a verità di fatti, a vera storia, cu furu i veri mandanti da spedizioni di mille (cornuti), pecchì vòrziru u invàdunu nu regnu chi era unitu du 1130.
Ieu mi fici sti domandi, e pozzu diciri ca ogni jornu chi passa mi doli a testa sempi nu pocu i cchiù, pecchì ‘ndavi sempi assai cosi chi non sapìa, atti cosi chi ‘ndi ‘mparàru a scola ca eranu fesserì, atti cosi chi non m’immaginava, per esempiu ca i briganti non eranu semplicementi ladri e assassini du sud, eranu e sunnu pe’ molti comu a mia, molto ma molto i cchiù! Per cui cliccati, cercati, informatevi, non restati rincitrulliti e orgogliosi quando caminati pa’ vi Garibaldi o pa’ via Vittorio Emanueli, pecchì n’ndi rrobbaru tuttu, puru a memoria, e ‘ndavìmu mà recuperamu.

Autore: 
Brigantessa Serena Iannopollo
Rubrica: 

Notizie correlate